རྩོམ་སྒྲིག་ཁང་།

རྩོམ་སྒྲིག་ཁང་གི་ལོ་རྒྱུས་མདོར་བསྡུས།

དཔལ་འབྲུག་པའི་གདམས་ཟབ་གཅེས་སྐྱོང་ཁང་ནི། ཕྱི་ལོ་༢༠༡༤ ལོར་ཁམས་སྒར་འབྲུག་མཐོ་སློབ་དྷརྨ་ཀཱ་རའི་སྤྱི་ཁྱབ་སློབ་སྟོན་པ་མཁན་རིན་པོ་ཆེ་ཆོས་དབྱིངས་ལྷུན་གྲུབ་ལགས་ནས་གསར་དུ་བཙུགས་པའི་ཚོགས་པ་ཆུང་ཞིག་ཡིན། རྩོམ་སྒྲིག་ཁང་ནང་དུ་ལས་བྱེད་པ་ལྔའམ་དྲུག་བསྐོ་ཡི་ཡོད། དེ་ཡང་། ཚོགས་གཙོ་དང་། དྲུང་ཡིག  དངུལ་གཉེར་། གཞན་ལས་རོགས་བཅས་ཡོད། ཚོགས་ཆུང་དེ་བཙུགས་ནས་ད་བར་མི་ཉམས་གོང་འཕེལ་གྱི་རྒྱུན་བསྐྱངས་དང་སྐྱོང་བཞིན་པའི་སྒང་ཡིན།

རྩོམ་སྒྲིག་ཁང་རྙིང་པ།

རྩོམ་སྒྲིག་ཁང་གི་དམིགས་ཡུལ།

དཔལ་མཉམ་མེད་བཀའ་བརྒྱུད་པའི་ནང་གསེས་དོན་བརྒྱུད་དཔལ་ལྡན་འབྲུག་པའི་གདམས་ངག་ཟབ་མོ་དང་།  སྐྱེས་བུ་དམ་པ་རྣམས་ཀྱི་རྣམ་ཐར་ལོ་རྒྱུས། མདོ་སྔགས་སོགས་ཀྱི་དཔེ་རྒྱུན་ཆེས་དཀོན་པའི་རིགས་རྣམས་འཚོལ་སྡུད་དཔེ་བསྡུར་ཞུས་ཏེ་སྤར་སྐྲུན་བྱེད་རྒྱུ་དང་། མ་ཟད་དེ་དག་གི་དབང་ཁྲིད་མན་ངག་ལུང་རྒྱུན་དག་གང་ལ་ལྡན་པའི་མཚན་ལྡན་གྱི་བླ་མ་དམ་པ་དག་གདན་ཞུས་ཀྱིས་དབང་རྒྱུན། ཁྲིད་རྒྱུན། མན་ངག་གི་རྒྱུན། ལུང་གི་རྒྱུན་བཅས་དར་སྤེལ་བྱེད་རྒྱུ་དེ་ཡིན། ཞོར་དུ་ལོ་རེའི་དུས་དེབ་( པུཎྜ་རི་ཀ) ཞེས་པ་དེ་སློབ་ཕྲུག་ཡོངས་ཀྱི་རྣམ་དཔྱོད་ཀྱི་རྩལ་དང་། རྩོམ་པའི་འགྲོས་སོགས་ཡར་རྒྱས་སུ་འགྲོ་བའི་ཐབས་སུ་པར་སྐྲུན་བྱེད་རྒྱུ་བཅས་སོ། །

རྩོམ་སྒྲིག་པ་རྣམ་པས་ཕྱག་ལས་གནང་བཞིན་པ།

འདི་ག་རྩོམ་སྒྲིག་ཁང་ནས་པར་སྐྲུན་ཞུས་པའི་དཔེ་དེབ་ཁག་དང་ལོ་རེའི་པུཎྜ་རི་ཀའི་དུས་དེབ་ཁག

༡		དེབ་ཕྲེང་དང་པོ། གྲུབ་དབང་ཀརྨ་བསྟན་འཕེལ་གྱི་རྣམ་ཐར་གྲུབ་པའི་རོལ་རྩེད།
༢		དེབ་ཕྲེང་གཉིས་པ། ངག་དབང་ཀུན་དགའ་བསྟན་འཛིན་གྱི་སྐྱེས་རབས་རྣམ་ཐར་འདོད་འཇོའོ་ནོར་ཕྲེང་།
༣		དེབ་ཕྲེང་གསུམ་པ། བཀའ་བརྒྱུད་རིན་པོ་ཆེའི་ཆོས་འབྱུང་མདོར་བསྡུས།
༤		དེབ་ཕྲེང་བཞི་པ། རྒྱལ་བ་རྒོད་ཚང་པ་མགོན་པོ་རྡོ་རྗེའི་རྣམ་ཐར།
༥		དེབ་ཕྲེང་ལྔ་པ། བསྟན་པའི་ཉི་མའི་ཕྱི་ནང་གསང་གསུམ་གྱི་་རྣམ་ཐར་དགོས་འབྱུང་རིན་ཆེན།
༦		དེབ་ཕྲེང་དྲུག་པ། ཡོངས་འཛིན་འཇམ་དཔལ་དཔའ་བོའི་ཕྱག་ཆེན་སྔོན་དངོས།
༧		དེབ་ཕྲེང་བདུན་པ། མཁས་དབང་སངས་རྒྱས་རྡོ་རྗེའི་གསུང་སྔོན་འགྲོའི་སྐོར།
༨		དེབ་ཕྲེང་བརྒྱད་པ། ཤེར་ཕྱིན་ལུང་གི་སྙེ་མ། སྟོད་ཆ། སྨད་ཆ།
༩		དེབ་ཕྲེང་དགུ་པ། ལྟ་བ་ངན་སེལ་དང་ཕར་ཕྱིན་མཚན་ཉིད་ཕྱོགས་བསྒྲིགས།
		་སྒྲུབ་པའི་ཞལ་བསྒོས་དང་ཞལ་གདམས་སྐོར།
		རྒྱུད་སྡེ་སྤྱིའི་རྣམ་གཞག་མཁས་པའི་ཡིད་འཕྲོག
༡༠		དེབ་ཕྲེང་བཅུ་པ། གཞུང་ཆེན་ལྔ་ཡི་རྩ་བ་ཕྱོགས་བསྒྲིགས།
༡༡		དེབ་ཕྲེང་བཅུ་གཅིག་པ། སོ་སོ་ཐར་པའི་སྡོམ་པ་འབོག་པའི་ཆོ་ག་བསྟན་པའི་སྙིང་པོ་བཞུགས་སོ།།
༡༢		དེབ་ཕྲེང་བཅུ་གཉིས་པ། སྒམ་པོ་པ་ཟླ་འོད་གཞོན་ནུས་མཛད་པའི་ཚོགས་ཆོས་ལེགས་མཛེས་མ་བཞུགས་སོ།།
༡༣		དེབ་ཕྲེང་བཅུ་གསུམ་པ། ་དཔལ་ལྡན་ཕག་མོ་གྲུ་པའི་ཚོགས་ཆོས་མུན་པ་ཐམས་ཅད་སེལ་བར་བྱེད་པ།
༡༤		དེབ་ཕྲེང་བཅུ་བཞི་པ། ཇོ་བོ་ནཱ་རོ་པའི་ཁྱད་ཆོས་བསྲེ་འཕོའི་གཞུང་འགྲེལ་རྡོ་རྗེ་འཆང་གི་དགོངས་པ་གསལ་བ།
		རྒྱན་གྱི་བསྟན་བཅོས་དབྱངས་ཅན་ངག་རོལ་མཚོ།

༡		པུཎྜ་རི་ཀ  འདོན་ཐེངས་དང་པོ།
༢		པུཎྜ་རི་ཀ  འདོན་ཐེངས་གཉིས་པ།
༣		པུཎྜ་རི་ཀ  འདོན་ཐེངས་གསུམ་པ།
༤		པུཎྜ་རི་ཀ  འདོན་ཐེངས་བཞི་པ།