གདན་ས་ཁམས་པ་སྒར་འབྲུག་མཐོ་སློབ་དྷརྨ་ཀཱ་ར།

བོད་ཟླ་བདུན་པའི་ཚེ་བཅོ་ལྔ་སྟེ་དེ་རིང་གི་ཉིན་མོ་འདི་ནི། མཉམ་མེད་དྭགས་པོ་བཀའ་བརྒྱུད་ཀྱི་ཡང་སྙིང་དོན་བརྒྱུད་དཔལ་ལྡན་འབྲུག་པའི་བསྟན་པའི་སྲོག་ཤིང་ཆེན་མོ། ཀུན་མཁྱེན་རྫོགས་པའི་སངས་རྒྱས་མི་ཕམ་པདྨ་དཀར་པོ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་དགོངས་རྫོགས་མཆོད་འབུལ་གྱི་དུས་ཆེན་ཁྱད་པར་ཅན་ལ་ཁེལ་ཡོད་སྟབས། འདིར་མཆོད་པ་ཐམས་ཅད་ཀྱི་བླ་མ་སྒྲུབ་པའི་མཆོད་པའི་ཆ་ཤས་ཙམ་ལ་དམིགས་ནས། མཁས་གྲུབ་ཆེན་མོ་ཁོང་གི་ངོ་མཚར་རྨད་དུ་བྱུང་བའི་ལེགས་བཤད་ཁག་ལ་ཐོས་བསམ་དང་འཆད་ཉན་གྱི་ལྟེ་གནས། འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རིའི་གཙུག་ལག་སློབ་གཉེེར་ཁང་ནས། ཡུལ་དུས་གནས་སྟངས་དང་བསྟུན་ཏེ་ཀུན་མཁྱེན་ཆེན་པོ་ཁོང་གི་གཞུང་ཆེན་ཁག་ལ་བགྲོ་གླེང་དང་། དམ་བཅའ་ཆེན་མོ་གོ་སྒྲིག་ཞུས་ཡོད། དེ་ཡང་སྔ་དྲོའི་ཕྱག་ཚོད་བརྒྱད་པ་ནས་དབུ་བཙུགས་ཏེ། ལོ་འདིའི་དཔེ་ཁྲིད་དགེ་རྒན་རྣམ་པས་གཙོ་སྐྱོང་འོག །སློབ་གཉེར་པ་ངག་དབང་གཡང་འཕེལ་དང་། འཇིགས་མེད་ཐུབ་བསྟན། དཔལ་ལྡན་ཤེས་རབ། འཇིགས་མེད་དགེ་ལྡན། འཇིགས་མེད་བློ་བཟང་བཅས་ཀྱིས། དབུ་མ་པས་རྟག་ཆད་ཀྱི་མཐའ་གཉིས་སེལ་ཚུལ་དང་། ཆོས་འཁོར་རིམ་པ་གསུམ་གྱི་དོན་ལ་དཔྱད་པ། སྦྱོར་ལམ་གྱི་རྟོག་པ་བཞི་པོ་དགག་རྟོག་སྒྲུབ་རྟོག་གང་ཡིན་དཔྱད་པ། མཐོང་ལམ་གྱི་རྟེན་དང་སྐྱེ་ཚུལ་དང་སོགས་ལ་དཔྱད་པ། རྣམ་འབྱོར་མངོན་སུམ་དང་དུས་གསུམ་ལ་དཔྱད་པ་བཅས་ཀྱི་ཐད་ནས་ཆེད་རྩོམ་སྒྲོག་སྦྱང་གནངས་ཤིང་། …

བོད་རྒྱལ་ལོ་ ༢༡༤༧ ལོའི་བོད་ཟླ་ ༦ པའི་ཚེས་༡༢ དང་། སྤྱི་ལོ་2020 སྤྱི་ཟླ་ 07 སྤྱི་ཚེས་31 ཉིན་འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་ཕྱེད་ཡིག་རྒྱུགས་ལ་ཁེལ་བས། འདི་ལོ་འཛིན་གྲྭ་འཚོགས་ཐུབ་པ་ཁག་གི་ཟུར་སྦྱོང་ཐུན་མོང་རིག་གནས་དང་། དབྱིན་ཡིག་གི་རྒྱུགས་སྤྲོད་ཉེ་སྔོན་གྲུབ་ནས། དེ་རིང་དངོས་གཞི་གཞུང་ཆེན་སོ་སོའི་ལོ་ཕྱེད་རྒྱུགས་སྤྲོད་ལེགས་པར་གྲུབ་སོང་།། ལོ་འདི་ལ་ཏོག་དབྱིབས་ནད་ཡམས་ཀྱིས་རྐྱེན་པས། མཁན་སློབ་ཁག་གཅིག་དང་སློབ་གཉེར་བ་མང་དག་ཅིག་གུང་སེང་ནས་འཛོམས་ཐུབ་མེད་ཅིང་། རྒྱ་གར་དབུས་དང་ས་གནས་མངའ་སྡེ་གཞུང་གིས་ནད་ཡམས་སྔོན་འགོག་ཆེད་དུ་ཁྱིམ་སྡོད་བཀའ་རྒྱ་དང་། རྒྱང་སྡོད་སོགས་ཀྱི་ལམ་སྟོན་གནང་བ་ལྟར། ཕྱི་ནང་རྒྱུ་འགྲུལ་མེད་པར་ལྷིང་འཇགས་ངང་རྩ་བའི་འཛིན་གྲྭ་བཅུ་གཉིས་ནང་ནས་འཛིན་གྲྭ་དང་པོ་བསྡུས་གྲྭ་དང་། གཉིས་པ་བློ་རྟགས། …

བོད་རྒྱལ་ལོ་ ༢༡༤༧ ལོའི་བོད་ཟླ་ ༦ པའི་ཚེས་༡༡ དང་། སྤྱི་ལོ་2020 སྤྱི་ཟླ་ 07 སྤྱི་ཚེས་30 ཉིན་མོར་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཞི་རིམ་སློབ་གྲྭའི་ལོ་ཕྱེད་ཡིག་རྒྱུགས་བཏང་ཞིང་། གཞི་རིམ་སློབ་གྲྭར་རྩ་བའི་འཛིན་གྲྭ་བརྒྱད་པའི་བར་ཡོད་པ་ལས། ལོ་འདིར་འཛིན་གྲྭ་གསུམ་པ་དང་། བཞི་པ། ལྔ་པ། དྲུག་པ། བདུན་པ་བཅས་འཛིན་གྲྭ་ལྔ་འཚོགས་ཐུབ་ཡོད།། ༈ འཛིན་གྲྭ་སོ་སོའི་སློབ་ཚན་ནི། འཛིན་རིམ་གསུམ་པ། …

བོད་ཟླ་དྲུག་པའི་ཚེས་བཞི་ནི་བདག་ཅག་གི་སྟོན་པ་མཉམ་མེད་ཐུབ་པའི་དབང་པོ་མཆོག་གིས། ཡུལ་ཝ་ར་ན་སིའི་དྲང་སྲོང་ལྷུང་བ་རི་དྭགས་ཀྱི་ནགས་སུ་འཁོར་ལྔ་སྡེ་བཟང་པོ་ལ་བཀའ་དང་པོ་བདེན་བཞི་ཆོས་འཁོར་བསྐོར་བའི་དུས་ཆེན་ཁྱད་པར་ཅན་ཡིན་གཤིས། འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་མཁན་སློབ་རྣམ་པས་གནས་བརྟན་ཕྱག་མཆོད་ཀྱི་ཆོ་ག་གསུངས་ཤིང་། དུས་བཟང་དང་འབྲེལ་འཛིན་གྲྭ་བདུན་པ་ཕར་ཕྱིན་ལོ་རིམ་གསུམ་པའི་སློབ་གཉེར་བའི་ཁོངས་ནས། ཀུན་མཁྱེན་ཆེན་པོ་མི་ཕམ་པདྨ་དཀར་པོ་མཆོག་གིས་མཛད་པའི་གཞུང་མཆོག་“ཆོས་འཁོར་དོགས་གཅོད་རྩ་འགྲེལ་”གྱི་ཐོག་ནས་ལུང་རིགས་ཀྱིས་བརྒལ་བརྟག་མཛད་པ་དང་། སྟོན་པའི་རྣམ་ཐར་དང་འབྲེལ་བའི་ཆོས་བཤད། སྟོན་པའི་སྐུ་གསུང་ཐུགས་ཀྱི་ཆེ་བ་བརྗོད་པའི་སྙན་རྩོམ་ཁག་ལྗགས་ཀློག་གནང་བ་སོགས་ཀྱིས། འདི་ལོའི་ཆོས་འཁོར་དུས་ཆེན་ཡུལ་དུས་གནས་བབ་དང་བསྟུན་ནས་སྟབས་བདེའི་ངང་སྲུང་བརྩི་ཞུས་པ་ལགས་སོ།།

༄༅།། དེང་གི་ཆར་ཏོག་དབྱིབས་ནད་ཡམས་དེ་བཞིན་འཛམ་གླིང་སྤྱི་དང་ཡང་སྒོས་རྒྱ་གར་ནང་དུའང་ཁྱབ་བཞིན་པར་སོང་། རྒྱ་གར་གྱི་སྲིད་བློན་སྐུ་ཞབས་མོ་རྡི་མཆོག་གིས་དབུ་ཁྲིད་འོག་དབུས་གཞུང་དང་མངའ་སྡེ་སོ་སོས་ནད་ཡམས་སྔོན་འགོག་ཆེད་དུ་ཐབས་ཤེས་ཡོད་དགུ་རྩལ་སྤྲུག་གིས་འབད་བརྩོན་གནང་བཞིན་པ་ལྟར། འདི་ག་གནས་ཡུལ་ཧི་མ་ཅཱ་མངའ་སྡེའི་སྤྱི་ཁྱབ་བློན་ཆེན་ཤྲི་ཇེེ་རཱམ་ཋཱ་ཀུར་མཆོག་གིས་སྣེ་ཁྲིད་འོག མངའ་སྡེ་གཞུང་དང་ས་གནས་བཅས་ཀྱིས་ནད་ཡམས་སྔོན་འགོག་ལ་འབད་བརྩོན་རྒྱ་ཆེར་གནང་བཞིན་པར་ཡི་རང་དང་རྒྱབ་སྐྱོར་མཚོན་བྱེད་དུ། ༧དཔལ་རྒྱལ་བ་མདོ་ཁམས་དགུ་པ་བཤད་སྒྲུབ་ཉི་མ་རིན་པོ་ཆེ་མཆོག་གིས་བཀའ་སློབ་ལམ་སྟོན་ལྟར། སྐུ་ཉིད་ཀྱི་བླ་བྲང་དང་། ཁམས་སྒར་གྲྭ་ཚང་། བཤད་གྲྭ། བྱང་ཆུབ་ལྗོངས་རྡོ་རྫོང་དགོན། བཙུན་དགོན་དོན་བརྒྱུད་དགའ་ཚལ་གླིང་། འདི་ག་བཀྲ་ཤིས་ལྗོངས་གཞིས་ལས་ཁང་བཅས་ཀྱིས་བློན་ཆེན་མཆོག་གི་ངལ་སེལ་ཐེབས་རྩ་བརྒྱུད་ནས་མགོན་མེད་ཉམ་ཐག་ཚོར་ཉིན་རེའི་དགོས་མཁོའི་བཟའ་བཅའ་དང་། སྨན་རིགས་སོགས་སུ་འགྲོ་གྲོན་གཏོང་ཆེད་ཞལ་འདེབས་ཧིན་སྒོར་འབུམ་དྲུག་དང་། ས་གནས་ལས་ཁུངས་བརྒྱུད་ནས་ཟ་འབྲུ་གང་འཚམ་བཅས་ཕུལ་བ་དང་འབྲེལ། ནད་མནར་གྱིས་དཀའ་སྡུག་འོག་ཏུ་ཚུད་པའི་ནད་པ་དག་ལ་ལྟ་སྐྱོང་གནང་མཁན་གྱི་སྨན་པ་དང་སྨན་ཞབས་པ། ནད་ཡམས་སྔོན་འགོག་ཆེད་དུ་ཕྱག་ལས་གནང་མཁན་གཞུང་དམངས་ཡོངས་ལ་ཐུགས་རྗེ་ཆེ་ཞུ་བ་དང་། རྒྱ་གར་གཙོས་པའི་འཛམ་གླིང་གང་སར་ནད་ཡམས་ཀྱིས་ཚེ་ལས་འདས་པ་དག་ལ་བསྔོ་སྨོན་དང་། ནད་མནར་སོགས་ཀྱིས་དཀའ་ངལ་འཕྲད་བཞིན་པ་དག་ནད་ལས་མྱུར་དུ་གྲོལ་བའི་གསོལ་འདེབས་སྨོན་ལམ་གང་ཐུབ་ཞུ་རྒྱུ་བཅས། ཁམས་སྒར་གྲྭ་ཚང་ནས། ༢༠༢༠། …

དཔལ་འབྲུག་པའི་གདམས་ཟབ་གཅེས་སྐྱོང་ཁང་ངམ། ཁམས་སྒར་འབྲུག་མཐོ་སློབ་རྩོམ་སྒྲིག་ཁང་ནས་གཙོ་བོ་འདི་གའི་སློབ་གཉེར་བ་རྣམས་པའི་དགོས་མཁོ་དང་བསྟུན་ཏེ། སྒྲུབ་སྤྲུལ་ཕྲིན་ལས་རྒྱ་མཚོས་མཛད་པའི། བླ་མ་བརྒྱུད་པའི་རྣམ་ཐར་དང་། ཀུན་མཁྱེན་བུ་སྟོན་རིན་ཆེན་གྲུབ་ཀྱིས་མཛད་པའི། (1)ཤེར་ཕྱིན་ལུང་གི་སྙེ་མ་སྟོད་ཆ་སྨད་ཆ། སྔན་ཆད་གཞུང་དེ་ངེད་རྩོམ་སྒྲིག་ཁང་ནས་པར་བསྐྲུན་ཟིན་ཡང་། ད་ཆ་གཅིག་ཀྱང་མ་ལུས་པ་ཚོང་ཚར་པ་དང་། མ་ཟད་སློབ་གླིང་འདི་པའི་ཕར་ཕྱིན་ལོ་རིམ་དང་པོ་དང་གཉིས་པའི་འཆད་ཉན་བྱེད་པའི་གཞུང་ཡིན་སྟབས། སླར་ཡང་ངེད་རྩོམ་སྒྲིག་ཁང་ནས་ལྷག་བསམ་དང་འབད་རྩོལ་མ་ལྷོད་པར་གཞུང་འདི་ཉིད་ལ་སྔར་དང་མ་འདྲ་ས་མངོན་རྟོགས་རྒྱན་གྱི་རྩ་བ་དང་སྦྱར་ནས་འགྲིག་ཡོད་པ་དང་། ད་དུང་ལུང་ཚིག་གསལ་པོ་མེད་པའམ་ལུང་གི་མཚན་དངོས་སུ་མེད་པ་རྣམས་གང་ཐུབ་ཀྱིས་གསར་དུ་ངོས་འཛིན་བྱས་ཏེ་ཁམས་སྒར་དེབ་ཕྲེང་བརྒྱད་པར་པར་བསྐྲུན་བྱས་ཡོད། (2)ལྟ་བ་ངན་སེལ། མཐོང་ལམ་སྟོང་མཐུན། རྟེན་འབྲེལ་རྣམ་བཤད། དེ་སྔ་ངེད་རྩོམ་སྒྲིག་ཁང་ནས་གཞུང་ལྟ་བ་ངན་སེལ་གཅིག་པུ་མཚན་ཉིད་ཕྱོགས་བསྒྲིགས་དང་ལྷན་དུ་པར་བསྐྲུན་བྱས་ཀྱང་། དེབ་འདི་ཡང་ད་སྐབས་རྫོགས་ཤིང་དགོས་མཁོ་ཆེ་བས། སླར་ཡང་མཁས་གྲུབ་ཁོང་གི་གཞུང་གསུམ་པོ་ཕྱོགས་གཅིག་ཏུ་བསྒྲིགས་ནས་དོན་གཉེར་ཅན་རྣམས་ལ་ཕན་ཐོགས་སྲིད་པར་བསམ་ནས་ཁམས་སྒར་དེབ་ཕྲེང་དགུ་པ་རུ་པར་བསྐྲུན་བྱས་ཡོད་པས། དོན་གཉེར་ཡོད་ན་འདི་གར་འབྲེལ་གཏུག་གནང་རོགས། འབྲེལ་ཡུལ་ཁ་བྱང་། Gmail …

བོད་ཟླ་དྲུག་པའི་ཚེས་བཞི་ནི་བདག་ཅག་གི་སྟོན་པ་མཉམ་མེད་ཐུབ་པའི་དབང་པོ་མཆོག་གིས། ཡུལ་ཝ་ར་ན་སིའི་དྲང་སྲོང་ལྷུང་བ་རི་དྭགས་ཀྱི་ནགས་སུ་འཁོར་ལྔ་སྡེ་བཟང་པོ་ལ་བཀའ་དང་པོ་བདེན་བཞི་ཆོས་འཁོར་བསྐོར་བའི་དུས་ཆེན་ཁྱད་པར་ཅན་ཡིན་གཤིས། འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་མཁན་སློབ་རྣམ་པས་གནས་བརྟན་ཕྱག་མཆོད་ཀྱི་ཆོ་ག་གསུངས་ཤིང་། དུས་བཟང་དང་འབྲེལ་འཛིན་གྲྭ་བདུན་པ་ཕར་ཕྱིན་ལོ་རིམ་གསུམ་པའི་སློབ་གཉེར་བའི་ཁོངས་ནས། ཀུན་མཁྱེན་ཆེན་པོ་མི་ཕམ་པདྨ་དཀར་པོ་མཆོག་གིས་མཛད་པའི་གཞུང་མཆོག་“ཆོས་འཁོར་དོགས་གཅོད་རྩ་འགྲེལ་”གྱི་ཐོག་ནས་ལུང་རིགས་ཀྱིས་བརྒལ་བརྟག་མཛད་པ་དང་། སྟོན་པའི་རྣམ་ཐར་དང་འབྲེལ་བའི་ཆོས་བཤད། སྟོན་པའི་སྐུ་གསུང་ཐུགས་ཀྱི་ཆེ་བ་བརྗོད་པའི་སྙན་རྩོམ་ཁག་ལྗགས་ཀློག་གནང་བ་སོགས་ཀྱིས། འདི་ལོའི་ཆོས་འཁོར་དུས་ཆེན་ཡུལ་དུས་གནས་བབ་དང་བསྟུན་ནས་སྟབས་བདེའི་ངང་སྲུང་བརྩི་ཞུས་པ་ལགས་སོ།།

དཔལ་འབྲུག་པའི་གདམས་ཟབ་གཅེས་སྐྱོང་ཁང་ནས་པར་བསྐྲུན་བྱས་པའི་དཔེ་དེབ་ཁག སྒྲུབ་སྤྲུལ་ཕྲིན་ལས་རྒྱ་མཚོས་མཛད་པའི་བླ་མ་བརྒྱུད་པའི་རྣམ་ཐར་དང་།ཀུན་མཁྱེན་བུ་སྟོན་རིན་ཆེན་གྲུབ་ཀྱིས་མཛད་པའི་ཤེར་ཕྱིན་ལུང་གི་སྙེ་མ་སྟོད་ཆ་སྨད་ཆ། སྔན་ཆད་གཞུང་དེ་ངེད་རྩོམ་སྒྲིག་ཁང་ནས་པར་བསྐྲུན་ཟིན་ཡང་། ད་ཆ་གཅིག་ཀྱང་མ་ལུས་པ་ཚོང་ཚར་པ་དང་། མ་ཟད་སློབ་གླིང་འདི་པའི་ཕར་ཕྱིན་ལོ་རིམ་དང་པོ་དང་གཉིས་པའི་འཆད་ཉན་བྱེད་པའི་གཞུང་ཡིན་སྟབས། སླར་ཡང་ངེད་རྩོམ་སྒྲིག་ཁང་ནས་ལྷག་བསམ་དང་འབད་རྩོལ་མ་ལྷོད་པར་གཞུང་འདི་ཉིད་ལ་སྔར་དང་མ་འདྲ་ས་མངོན་རྟོགས་རྒྱན་གྱི་རྩ་བ་དང་སྦྱར་ནས་འགྲིག་ཡོད་པ་དང་། ད་དུང་ལུང་ཚིག་གསལ་པོ་མེད་པའམ་ལུང་གི་མཚན་དངོས་སུ་མེད་པ་རྣམས་གང་ཐུབ་ཀྱིས་གསར་དུ་ངོས་འཛིན་བྱས་ཏེ་ཁམས་སྒར་དེབ་ཕྲེང་བརྒྱད་པར་པར་བསྐྲུན་བྱས་ཡོད། (2)ལྟ་བ་ངན་སེལ། མཐོང་ལམ་སྟོང་མཐུན། རྟེན་འབྲེལ་རྣམ་བཤད། དེ་སྔ་ངེད་རྩོམ་སྒྲིག་ཁང་ནས་གཞུང་ལྟ་བ་ངན་སེལ་གཅིག་པུ་མཚན་ཉིད་ཕྱོགས་བསྒྲིགས་དང་ལྷན་དུ་པར་བསྐྲུན་བྱས་ཀྱང་། དེབ་འདི་ཡང་ད་སྐབས་རྫོགས་ཤིང་དགོས་མཁོ་ཆེ་བས། སླར་ཡང་མཁས་གྲུབ་ཁོང་གི་གཞུང་གསུམ་པོ་ཕྱོགས་གཅིག་ཏུ་བསྒྲིགས་ནས་དོན་གཉེར་ཅན་རྣམས་ལ་ཕན་ཐོགས་སྲིད་པར་བསམ་ནས་ཁམས་སྒར་དེབ་ཕྲེང་དགུ་པ་རུ་པར་བསྐྲུན་བྱས་ཡོད་པས། དོན་གཉེར་ཡོད་ན་འདི་གར་འབྲེལ་གཏུག་གནང་རོགས། འབྲེལ་ཡུལ་ཁ་བྱང་། Gmail :pemakarpo2014@gmail.com Mobile: ༨༥༨༠༨༥༩༩༧༥

|• ཉི་ཤུ་ལོའི་ཁམས་སྒར་འབྲུག་མཐོ་སློབ་ཁང་གི་དུས་དེབ་<<པུཎྜ་རི་ཀ>> འདོན་ཐེངས་( ༦ ) ••• ལོ་རེར་ངེད་དཔལ་འབྲུག་པའི་གདམས་ཟབ་གཅེས་སྐྱོང་ཁང་ནས་པུཎྜ་རི་ཀ་ཞེས་པའི་དུས་དེབ་འདི་པར་བསྐྲུན་བྱས་དང་བྱེད་བཞིན་པ། བྱེད་པར་འགྱུར་བ་ཡིན་པས། ད་ལོ་ཡང་བླ་མའི་བྱིན་བརླབས་དང་དགེ་བའི་བཤེས་གཉེན་རྣམ་པའི་སློབ་གསོ་དང་སློབ་གཉེར་བའི་དུས་བཞིའི་ཁྲོད་ནས་སྦྱངས་པའི་ཤེས་ཡོན་ནོར་བུའི་བཅུད་དེ་གང་ཡོད་ཅོག །ལྷག་བསམ་དང་སེམས་ཤུགས་མ་ལྷོད་པའི་རྩོམ་སྒྲིག་པ་རྣམས་ནས་དཀའ་ངལ་ཁྱད་དུ་བསད་དེ་ལོ་འདིའི་འདོན་ཐེངས་དྲུག་པ་དེ་ཁྱེད་རྣམས་ཀྱི་སྤྱན་ལམ་དུ་འབུལ་ཐུབ་པ་ནི་ཅི་འདྲའི་དགའ་འོས་པ་ཞིག་ལགས།  

བོད་ཟླ་༡༡ ཚེས་༡༨ ཉིན་གྱི་དགོང་དྲོར་བྱེས་ཀྱི་གདན་ས་བཀྲ་ཤིས་ལྗོངས་ཁམས་པ་སྒར་སྐུ་གདུང་མཆོད་རྟེན་རིན་པོ་ཆེའི་མདུན་དུ། ཁམས་པ་སྒར་གྱི་གྲྭ་ཚང་དང་བཤད་གྲྭ བཙུན་དགོན་དོན་བརྒྱུད་དགའ་ཚལ་གླིང་བཅས་ཀྱི་དགེ་འདུན་རྣམ་པ་དང་། གཉུག་མར་གནས་པའི་བཀྲ་ཤིས་ལྗོངས་ཀྱི་མི་མང་རྣམས། དེ་བཞིན་གློ་བུར་ལྷགས་པའི་ཁུ་ནུ་སྟོད་སྨད་ནས་ཕེབས་པའི་དད་ལྡན་རྣམས་བཅས། སེར་སྐྱ་མི་མང་བརྒྱ་ཕྲག་འགའ་ཤས་འདུས་འཛོམས་ཀྱི་ཐོག ༸སྐྱབས་རྗེ་འཁོར་ལོ་མགོན་པོ་བདེ་བར་གཤེགས་པ་༸རྒྱལ་བ་མདོ་ཁམས་པ་བསྐལ་བཟང་དོན་བརྒྱུད་ཉི་མ་རིན་པོ་ཆེ་མཆོག་གི་དགོངས་རྫོགས་མཆོད་འབུལ་ཟབ་རྒྱས་ཤིག་ཚོགས་པའི་བརྙན་རིས།