2022-03-30
གཟིགས་སྐོར།, མཛད་སྒོ།
བོད་ཟླ་ ༡༡ པའི་བོད་ཚེས་ ༡༨ ཉིན། དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པའི་བསྟན་པའི་སྲོག་ཤིང་ཆེན་པོར་གྱུར་པ། ༧ དཔལ་རྒྱལ་བ་མདོ་ཁམས་བརྒྱད་པ་བསྐལ་བཟང་དོན་བརྒྱུད་ཉི་མ་མཆོག་གི་དགོངས་རྫོགས་མཆོད་འབུལ་ལ་ཁེལ་ཡོད་པ་ལྟར། མདོ་ཁམས་དོན་བརྒྱུད་དཔལ་ལྡན་འབྲུག་པའི་བྱེས་ཀྱི་གདན་ས་ཆེན་མོ་འཕགས་ཡུལ་བྱང་ཕྱོགས་བཀྲ་ཤིས་ལྗོངས་སུ། གྲྭ་ཚང་དང་བཤད་གྲྭའི་བླ་སྤྲུལ་རྟོགས་ལྡན་མཁན་སློབ་རྣམ་པ་དབུ་བཞུགས་ཀྱིས། འཕགས་ཚོགས་འདུས་མང་ཡོངས་ནས་༧ སྐྱབས་རྗེ་བདེ་བར་གཤེགས་པ་ཁོང་གི་དགོངས་རྫོགས་མཆོད་འབུལ་སྔར་རྒྱུན་བཞིན་ཚོགས་གནང་ཡོད། །
མུ་མཐུད་ཀློགས།
2022-03-30
གཟིགས་སྐོར།, གལ་ཆེན།, གསར་འཕྲིན།, མཛད་སྒོ།
བོད་རྒྱལ་ལོ་༢༡༤༩ རབ་གནས་ཆུ་སྟག་ལོའི་བོད་ཟླ་དང་པོའི ཚེས་ ༢༨ དང་། ཕྱི་ལོ་ ༢༠༢༢། ༣། ༣༠ གཟའ་སྐར་འཕྲོད་སྦྱོར་དགེ་བའི་ཉིན། འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། གུས་རྟག་སྦྱོར་བའི་བརྩོན་པ་ལྷུར་བཞེས་པས་གཞུང་ཆེན་བཀའ་པོད་ལྔ་སོགས་ལ་གསན་སྦྱངས་མཐའ་རྒྱ་བཅད་པའི་བཤད་གྲྭའི་སློབ་གཉེར་བ་ཁག་ལ་སྔར་སྲོལ་བཞིན་ཕྱི་ལོ་ ༢༠༢༡ ལོའི་བསླབ་པ་མཐར་སོན་པའི་ཕྱག་འཁྱེར་གནང་བ་དང་། བསྡུས་གྲྭ་བློ་རྟགས་ནས་ཕར་ཕྱིན་ལོ་རིམ་གསུམ་བར་རིགས་ལམ་བརྒལ་བརྟག་གི་སྒོ་ནས་སྦྱང་བརྩོན་དཔྱིས་ཕྱིན་པ་གནང་བའི་སློབ་གཉེར་བ་ཁག་གཅིག་ལ་ཕར་ཕྱིར་རབ་འབྱམས་པའི་ཕྱག་འཁྱེར་གནང་བ་དང་། སློབ་གཉེེར་བ་རྩེ་ཕུད་ཁག་ཅིག་ལ་སྐྱོར་དཔོན་གྱི་མཚན་གནས་ཕུལ་བ། དེ་བཞིན་བཤད་གྲྭའི་གཞི་རིམ་སློབ་གྲྭའི་འཛིན་གྲྭ་བརྒྱད་པ་ཐོན་མཁན་རྣམས་ལ་གཞི་རིམ་སློབ་ཐོན་པའི་ཕྱག་འཁྱེར་གནང་བ་དང་། བཤད་གྲྭའི་སློབ་གཉེར་བ་རྒྱུགས་འབྲས་རྩེར་སོན་རྣམས་དང་། བཤད་གྲྭའི་གཞི་རིམ་སློབ་གྲྭའི་ལོ་སྔོན་མའི་རྒྱུགས་འབྲས་ཨང་རིམ་རྩེར་སོན་རྣམས་ལ་ལེགས་གསོལ་བྱ་དགའ་འབུལ་རྒྱུ་བཅས་ཀྱི་མཛད་སྒོ་སྟབས་བདེ་ཞིག་ཚོགས་གནང་ཡོད།དེའང་སྔ་དྲོའི་ཕྱག་ཚོད་ ༡༠ …
མུ་མཐུད་ཀློགས།
2022-03-26
གལ་ཆེན།, གསར་འཕྲིན།
༧ དཔལ་རྒྱལ་བ་མདོ་ཁམས་པ་དགུ་པ་༸ ངེས་དོན་བཤད་སྒྲུབ་ཉི་མ་མཆོག་ལ། སྔར་རྒྱུན་བཞིན་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་འདི་ལོར་ཞབས་རིམ་དགོངས་བརྟགས་ཞུས་འབྲས། རྒྱལ་བའི་ཡུམ་རྒྱས་འབྲིང་བསྡུས་གསུམ་དག་སྒྲོག་དང་། བཟང་སྤྱོད་སྨོན་ལམ། ཞེ་ཆེན་རྒྱལ་ཚབ་ཀྱིས་མཛད་པའི་བཀྲ་ཤིས་ཆོས་མཆོག །བར་བསམ་སྒྲོལ་གསུམ། ལྷ་སྨན་རྒྱལ་མོའི་འཕྲིན་བཅོལ་བཅས་དགོས་པ་ཕེབས་དགོངས་ལྟར། འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་སྔོན་མའི་གུང་སེང་གི་དུས་ཡུན་རྫོགས་ཏེ་མཁན་སློབ་འདུས་མང་ཡོངས་སློབ་གླིང་དུ་ཚང་འཛོམས་བྱུང་བ་དང་བསྟུན། དེ་རིང་ནས་བཟུང་ཉིན་གྲངས་གསུམ་གྱི་རིང་བཤད་གྲྭའི་ཞབས་རིམ་དང་། ༧དཔལ་རྒྱལ་བ་མདོ་ཁམས་པ་ཆེན་པོ་གཙོས་པའི་བསྟན་འཛིན་གྱི་སྐྱེ་བུ་རྣམས་སྐུ་ཚེ་བརྟན་ཅིང་མཛད་འཕྲིན་རྒྱས་པ་དང་། ལུང་རྟོགས་ཀྱི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ། ནད་མུག་མཚོན་འཁྲུགས་སོགས་དུས་ཀྱི་རྒུད་པ་མཐའ་དག་རང་སར་ཞི་བའི་ཆེད་དུ། འདུས་མང་ཡོངས་ནས་ཞབས་རིམ་གསོག་སྒྲུབ་གནང་བཞིན་པ་ལགས་སོ། །༢༣/༣/༢༠༢༢/
མུ་མཐུད་ཀློགས།
2021-07-26
གལ་ཆེན།, གསར་འཕྲིན།, གསལ་བསྒྲགས།
བོད་རྒྱལ་ལོ་ ༢༡༤༨ ལོའི་བོད་ཟླ་ ༦ པའི་ཚེས་༡༡ དང་། སྤྱི་ལོ་2021སྤྱི་ཟླ་ 07 སྤྱི་ཚེས་20 ཉིན་འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་ཕྱེད་ཡིག་རྒྱུགས་ལ་ཁེལ་བས། འཛིན་གྲྭ་ཁག་གི་ཟུར་སྦྱོང་ཐུན་མོང་རིག་གནས་དང་། དབྱིན་ཡིག་གི་རྒྱུགས་སྤྲོད་ཉེ་སྔོན་གྲུབ་ནས། དེ་རིང་དངོས་གཞི་གཞུང་ཆེན་སོ་སོའི་ལོ་ཕྱེད་རྒྱུགས་སྤྲོད་གནང་ཡོད། ལོ་འདི་ལ་ཡང་ཏོག་དབྱིབས་ནད་ཡམས་ཀྱིས་རྐྱེན་པས་རྒྱ་གར་དབུས་དང་། ས་གནས་མངའ་སྡེ་གཞུང་གིས་ནད་ཡམས་སྔོན་འགོག་ཆེད་དུ་ཁྱིམ་སྡོད་བཀའ་རྒྱ་སོགས་རིམ་པར་བྱུང་ཡང་། འདི་ག་སློབ་གླིང་གི་བསླབ་པ་སློབ་གཉེར་མཐུས་ཤོར་མེད་པར། ཕྱི་ནང་རྒྱུ་འགྲུལ་ཉུང་ལྷིང་འཇགས་ངང་རྩ་བའི་འཛིན་གྲྭ་བཅུ་གཉིས་དང་། སློབ་ཐོན་པ་དང་དགེ་རྒན་རྣམ་པས་སྔགས་ཕྱོགས་འཆད་ཉན་བཅས་གང་འཚམས་ཚགས་ཚུད་མཛད་ཡོད། འདི་ལོར་འཛིན་གྲྭ་དང་པོ་བསྡུས་གྲྭ་དང་། གཉིས་པ་བློ་རྟགས། …
མུ་མཐུད་ཀློགས།
2021-07-13
གལ་ཆེན།, གསར་འཕྲིན།
ཕྱི་ལོ་༢༠༢༡ ཟླ་༦ ཚེས་༢༨ ཉིན་དབུ་བཟུང་སྟེ་བདུན་ཕྲ་གཉིས་ལྷག་ཙམ་གྱི་རིང་། འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རས་གོ་སྒྲིག་འོག་ལོ་ཕྱེད་རྒྱུགས་སྤྲོད་ཀྱི་རང་སྦྱོང་དུས་ཚོད་དང་བསྟུན། མཁན་པོ་བསྟན་འཛིན་སྟོབས་རྒྱལ་མཆོག་གིས་འདི་ག་གཙུག་ལག་སློབ་གཉེར་ཁང་དུ། དཔལ་བཞད་པ་རྡོ་རྗེ་ཉིད་བསམ་བཞིན་དུ་སླར་ཡང་གངས་རིའི་ཁྲོད་དུ་སྒྲུབ་བསྟན་སྤེལ་ཕྱིར་བྱོན་པ་དཔལ་རྒྱལ་བ་རྒོད་ཚང་པ་མགོན་པོ་རྡོ་རྗེའི་བཀའ་འབུམ་ཆ་ཚང་དང་། འདུལ་བ་རྒྱ་མཚོའི་མངའ་བདག་ཀུན་མཁྱེན་མཚོ་སྣ་བ་ཤེས་རབ་བཟང་པོའི་འདུལ་ཊིཀ་མཚོ་ཆེན་བཅས་ཀྱི་ལྗགས་ལུང་གནང་ཡོད། འོན་ཀྱང་ཏོག་དབྱིབས་ནད་ཡམས་ཀྱིས་སྤྱི་སྒེར་ཚང་མར་དཀའ་ངལ་རབས་དང་རིམ་པ་ཞིག་བཟོ་བཞིན་ཡོད་པ་བཞིན། ད་དུང་ཉེན་ཁ་ཡོད་མུས་སུ་སོང་བས་ནད་ཡམས་སྔོན་འགོག་དང་འབྲེལ་ནས། ད་ཐེངས་ཀྱི་ལྗགས་ལུང་འདི་ཉིད་བཤད་གྲྭའི་ལྕགས་རི་ནང་དུ་བཞུགས་པའི་དགེ་སློབ་རྣམས་ཁ་གཙང་གི་ཆེད་དུ་གོ་སྒྲིག་ཞུས་པ་ཞིག་ཆགས་ཡོད།། ༢༠༢༡།༧།༡༣།
མུ་མཐུད་ཀློགས།
2021-06-16
གལ་ཆེན།, གསར་འཕྲིན།
༈དཔལ་༧རྒྱལ་བ་མདོ་ཁམས་པ་ཆེན་པོ་མཆོག་གིས་བཀྲ་ཤིས་ལྗོངས་སྡེ་དགོན་གཉིས་དང་འབྲེལ་ཡོད་ལོ་ན་བཅོ་བརྒྱད་ནས་ཞེ་བཞིའི་བར་གྱི་སེར་སྐྱ་ཡོངས་ལ་ཏོག་དབྱིབས་གཉན་རིམ་འགོག་ཁབ་རིམ་པ་དང་པོ་བཀའ་དྲིན་བསྐྱངས། དེ་ཡང་གནས་ཡུལ་རྒྱ་གར་དུ་ཏོག་དབྱིབས་གཉན་རིམས་ཀྱི་ནད་རླབས་གཉིས་པའི་ཛ་དྲག་ཆེ་བའི་སྐབས་འདིར། ༧སྐྱབས་རྗེ་རིན་པོ་ཆེ་མཆོག་གིས་ལམ་སྟོན་དང་མཐུན་འགྱུར་འོག །བཀྲ་ཤིས་ལྗོངས་སྡེ་དགོན་གཉིས་དང་། བཙུན་དགོན་དོན་བརྒྱུད་དགའ་ཚལ་གླིང་། བྱང་ཆུབ་ལྗོངས་རྡོ་རྫོང་དགོན་པ་བཅས་ཀྱི་ལོ་ན་བཅོ་བརྒྱད་ནས་ཞེ་བཞིའི་བར་གྱི་སེར་སྐྱ་ཡོངས་དང་། འབྲེལ་ཡོད་ཁག་ལ་འགོག་ཁབ་རིམ་པ་དང་པོ་བརྒྱབ་ཅིང་། ནད་ཡམས་སྔོན་འགོག་གི་ལས་དོན་ཆེད་དུ་བོད་ཀྱི་འབྲས་ནད་ཚོགས་པར་སྔ་ཕྱིར་ཧིན་སྒོར་འབུམ་གཉིས་ ༢༠༠༠༠༠|དང་། རྡ་སའི་ས་གནས་བོད་ཀྱི་གཞོན་ནུ་ཚོགས་པར་སྒོར་འབུམ་གཅིག་ ༡༠༠༠༠༠|བཅས་གནང་བ་དང་། སྔ་ཕྱིར་ས་གནས་རྒྱ་གར་ཡུལ་མི་རྣམས་ལ་ཟ་འབྲུའི་སོགས་སྦྱིན་གཏོང་རྒྱ་ཆེར་གནང་ཡོད། གཞན་ཡང་འདི་ག་བཀྲ་ཤིས་ལྗོངས་ཀྱི་གཞིས་ཁོངས་བྱང་ཨ་རི་དང་ཡོ་རོབ་སོགས་ཕྱིའི་རྒྱལ་ཁབ་ཁག་ཏུ་གནས་སྡོད་བྱེད་མཁན་འབྲེལ་ཡོད་ཁག་གིས་མ་སྐུལ་དང་བླངས་ཀྱིས། བཀྲ་ཤིས་ལྗོངས་སྡེ་དགོན་གཉིས་སུ་ནད་ཡམས་སྔོན་འགོག་ཆེད་དུ་དཔལ་འབྱོར་ཕུལ་འབྱོར་བྱུང་བ་དེ་དག །འདི་ག་སྡེ་དགོན་གཉིས་དང་། བཙུན་དགོན་དོན་བརྒྱུད་དགའ་ཚལ་གླིང་། བྱང་ཆུབ་ལྗོངས་རྡོ་རྫོང་དགོན་པ། འབྲུག་བདེ་ཆེན་ཆོས་འཁོར་གླིང་། འཛི་སྒར་དགོན་པ་བཅས་པར་སྲོག་རླུངས་དབུགས་སྣོན་དང་། རླངས་རྔུབ་འཕྲུལ་ཆས། …
མུ་མཐུད་ཀློགས།
2021-04-14
ལེ་ཚན་གཞན།
བོད་རྒྱལ་ལོ་ ༢༡༤༨ ཕྱི་ལོ་ ༢༠༢༡ ཕྱི་ཟླ་ ༠༤ ཕྱི་ཚེས་ ༡༤ ཉིན་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་ཁང་དུ། ངེས་པ་དོན་གྱི་སུམ་ལྡན་རྡོ་རྗེ་འཛིན་པ་ཆེན་པོ་རྟོགས་ལྡན་ཆོས་ཀྱི་བློ་གྲོས་མཆོག་དབུ་བཞུགས་ཐོག་འདི་ག་མཐོ་སློབ་ནས། སློབ་ཐོན་པའི་ཕྱག་ཁྱེར་དང་། ཕར་ཕྱིན་རབ་འབྱམས་པའི་ཕྱག་ཁྱེར། ལོ་འཁོར་རྒྱུགས་སྤྲོད་རྩེར་སོན་རྣམས་ལ་གཟིགས་བཟོས་གསོལ་རས་གནང་བ་བཅས་ཀྱི་མཛད་སྒོ་སྟབས་གཅིག་ཏུ་བསྐྱངས་ཡོད། དེ་ཡང་སྔར་ལོ་ནས་མཆེད་པའི་ཏོག་དབྱིབས་གཉན་རིམས་མུ་མཐུད་ཁྱབ་བརྡལ་འགྲོ་བཞིན་པར་རྟེན། འདི་ག་མཐོ་སློབ་ཁང་གི་བསྟན་པའི་བདག་པོ། ༧དཔལ་རྒྱལ་བ་མདོ་ཁམས་པ་ངེས་དོན་བཤད་སྒྲུབ་ཉི་མ་མཆོག་ཕེབས་གྲུབ་མེད་ནའང་། སུམ་ལྡན་རྡོ་རྗེ་འཛིན་པ་རྟོགས་ལྡན་ཆོས་ཀྱི་བློ་གྲོས་མཆོག་ཆེད་ཕེབས་དང་འབྲེལ། གྲྭ་ཚང་གི་ལས་སྣེ་ཁག་དང་། གཞིས་ལས་ཁང་གི་དྲུང་ཆེ་གཙོས་པའི་རྒྱུན་ལས་རྣམ་པ། འདི་ག་བཤད་གྲྭའི་མཁན་སློབ་དགེ་འདུན་པ་རྣམས་ཚོགས་འཛོམས་གནང་སྟེ། …
མུ་མཐུད་ཀློགས།
2021-03-12
ལེ་ཚན་གཞན།
ཕྱི་ལོ་ ༢༠༢༡ བོད་རྒྱལ་ལོ་ ༢༡༤༨ རབ་གནས་ལྕགས་གླང་ལོའི་བོད་ཟླ་དང་པོའི་ཚེས་ ༡༨ ཉིན་མོ་འཕགས་ཡུལ་བྱང་ཕྱོགས་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་ལོ་མཇུག་གི་གུང་སེང་རྫོགས་ཏེ། ལོ་སྔོན་མའི་གུང་སེང་ནས་ཕེབས་མ་ཐུབ་པའི་དགེ་སློབ་རྣམས་ཀྱང་ལོ་འདིར་ཕེབས་ཐུབ་པ་བྱུང་ཡོད། འདི་ལོའི་ཆོས་ཁྲིམས་སོགས་ལས་སྣེ་ཁག་དང་། མཐོ་སློབ་འདི་དང་མཐོ་སློབ་འདིའི་གཞི་རིམ་སློབ་གྲྭ། གྲྭ་ཚང་གི་སློབ་གྲྭ། འབྲེལ་ཡོད་དགོན་སྡེ་ཁག་ཏུ་དཔེ་ཁྲིད་གནང་མཁན་སོགས་གཏན་ཁེལ་བཀོད་སྒྲིག་ཞུས། བོད་ཚེས་ ༢༠ ཉིན་དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པའི་བསྟན་པའི་སྲོག་ཤིང་ཆེན་པོ། གདན་ས་ཁམས་པ་སྒར་དགོན་མ་ལག་དང་བཅས་པའི་བསྟན་བདག་ ༧ དཔལ་རྒྱལ་བ་མདོ་ཁམས་དགུ་པ་ངེས་དོན་བཤད་སྒྲུབ་ཉི་མ་མཆོག་གིས་དབུས། བསྟན་འཛིན་གྱི་སྐྱེས་བུ་རྣམས་ཀྱི་སྐུ་ཚེ་བརྟན་ཅིང་མཛད་འཕྲིན་རྒྱས་པ་དང་། འདི་ག་མཐོ་སློབ་ཁང་དང་། …
མུ་མཐུད་ཀློགས།
2021-03-12
ལེ་ཚན་གཞན།
བོད་རྒྱལ་ལོ་ ༢༡༤༧ ལོའི་བོད་ཟླ་ ༡༠ པའི་ཚེས་ ༡༣ དང་། སྤྱི་ལོ་2020 སྤྱི་ཟླ་ 11 སྤྱི་ཚེས་ 27 ཉིན་འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་མཇུག་གི་ཡིག་རྒྱུགས་ལ་ཁེལ་བས། འདི་ལོ་འཛིན་གྲྭ་འཚོགས་ཐུབ་པ་ཁག་གི་ཟུར་སྦྱོང་ཐུན་མོང་རིག་གནས་དང་། དབྱིན་ཡིག། གཞུང་ཆེན་ཁག་གི་རྩ་བ་བློ་འཛིན་བཅས་ཉེར་སྔོན་རྒྱུགས་སྤྲད་ཟིན་ཅིང་། དེ་རིང་དངོས་གཞིའི་གཞུང་ཆེན་སོ་སོའི་ལོ་མཇུག་གི་བྲིས་རྒྱུགས་ལེགས་པར་གྲུབ་ཏེ། སང་ཉིན་ནས་བཟུང་ཉིན་གསུམ་གྱི་རིང་དགེ་སློབ་རྣམ་པ་སློབ་གསེང་གནང་རྒྱུ་དང་། དེ་ནས་ཟླ་བ་གཅིག་གི་རིང་འཛིན་གྲྭ་གོང་འོག་མཉམ་སྤུངས་ཀྱིས་ཀུན་མཁྱེན་ཆེན་པོ་མི་ཕམ་པདྨ་དཀར་པོའི་ཚད་གཞུང་ཁག་དང་རིགས་ལམ་བཅས་པར་ཆེད་སྦྱོང་དང་། རྩོད་རྒྱུགས་ལེགས་པར་གྲུབ་མཐར་ལོ་འདིའི་སློབ་མཚམས་འཇོག་འཆར་ལགས་སོ། …
མུ་མཐུད་ཀློགས།
2021-03-12
ལེ་ཚན་གཞན།
བོད་ཟླ་བདུན་པའི་བོད་ཚེས་ཉི་ཤུ་དགུ། དེ་རིང་དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པའི་ཐོས་བསམ་སློབ་གཉེར་གྱི་ལྟེ་གནས། འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རིའི་གཙུག་ལག་སློབ་གཉེེར་ཁང་ནས། སྤྱི་མཚུངས་ཡུལ་དུས་གནས་བབ་ཀྱི་གཉན་འཕྲང་འདིའི་འོག །དབྱར་གནས་ལེགས་པར་གྲུབ་ཏེ་དགག་དབྱེ་ལ་ཁེལ་བས། དམ་ཆོས་འདུལ་བའི་དགོངས་དོན་བཞིན། མདང་དགོང་མཚན་ཐོག་ཐག་ཆོས་ལྡན་གྱི་བྱ་བས་འདའ་བར་མཛད་པ་སྟེ། དེ་ཡང་ཁ་སང་དགོང་མོ་ཆུ་ཚོད་བརྒྱད་པ་ནས། མཁན་པོ་དགེ་ལས་སློབ་གཉེར་བ་ཡོངས་རྫོགས་གཙུག་ལག་ཁང་དུ་ཚོགས་ཤིང་། གནས་བརྟན་ཕྱག་མཆོད་ཀྱི་ཆོ་ག་གསུངས་པ་དང་། དེ་ནས་ནམ་སྨད་ཆུ་ཚོད་བཞི་པའི་བར་དུ་རིམ་པས་ཕར་ཕྱིན་དམ་བཅའ་འཚོགས་པ་དང་། གོང་མའི་རྣམ་ཐར་གསུངས་པ། ཚད་མའི་དམ་བཅའ་འཚོགས་པ། སློབ་གཉེར་པ་དང་དགེན་རྣམ་པ་འགའ་ཞིག་གིས་བགྲོ་གླེང་དམ་བཅའ་བཞག་པ་དང་། འགའ་ཞིག་གིས་གཞུང་གི་དཀའ་གནད་སྐོར་ལ་དཔྱད་གླེང་མཛད་ཡོད། དེ་ནས་ཐོ་རངས་ཆུ་ཚོད་བཞི་པ་ནས་དབྱར་དགག་དབྱེའི་ཆོ་ག་དབུ་འཛུགས་མཛད་ཅིང་། ཞོགས་པ་ཆུ་ཚོད་བརྒྱད་པ་མ་ཟིན་ཙམ་ལ་སྨོན་ལམ་ཤིས་བརྗོད་དང་བཅས་འཇུག་ལེགས་པར་གྲུབ་པ་ལགས་སོ།།
མུ་མཐུད་ཀློགས།
གདན་ས་ཁམས་པ་སྒར་འབྲུག་མཐོ་སློབ་དྷརྨ་ཀཱ་ར།
