གདན་ས་ཁམས་པ་སྒར་འབྲུག་མཐོ་སློབ་དྷརྨ་ཀཱ་ར།
| རྒྱ་གར་ནལཎྜ་ནང་པའི་སྲོལ་རྒྱུན་ལྷན་ཚོགས་དབུ་བརྙེས། རྒྱལ་ཡོངས་ཚོགས་འདུ།
ཕྱི་ལོ་༢༠༢༦ ཕྱི་ཟླ་ ༧ ཚེས་༥ ཉིན། བྱེས་ཀྱི་གདན་ས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། རྒྱ་གར་ན་ལཎྜ་ནང་པའི་སྲོལ་རྒྱུན་ལྷན་ཚོགས་དང་ཁམས་སྒར་བཤད་གྲྭ་མཉམ་འབྲེལ་གྱིས། རྒྱ་གར་ན་ལཎྜ་ནང་པའི་སྲོལ་རྒྱུན་ལྷན་ཚོགས་དབུ་བརྙེས་ནས་ལོ་༩་འཁོར་བའི་དུས་དྲན་བསྲུང་རྩི་དང་། ཧི་མ་ལ་ཡའི་མཁས་དབང་རྣམས་པ་གདན་འདྲེན་ཞུས་ཏེ་རྒྱལ་ཡོངས་ཚོགས་འདུ་དང་། རྒྱ་གར་གུ་ཡངས་སློབ་རྒྱུགས་ཀྱི་སྤྱི་ཁྱབ་སློབ་སྟོན་པའི་གཏམ་བཤད་ཀྱི་མཛད་སྒོ་ཚོགས་ཡོད། སྐབས་དེར་སྐུ་མགྲོན་གཙོ་བོ་རྒྱ་གར་ཧི་མ་ཅལ་མངའ་སྡེའི་སྲིད་བློན་ཀ་ཝིན་ད་ར་གུཔྟ་མཆོག་དང་། བོད་གཞུང་ཆོས་རིག་ལས་འཁུངས་ཀྱི་བཀའ་བློན་ཆུ་སྐྱ་སྦྲ་གཉིས་ཚེ་རྒྱལ་མཆོག ། བྷེཇ་ན་ཐ་སྤྱི་འཐུས་ཀི་ཤོ་རི་ལལ་མཆོག མ་ལིང་མགོན་པོ། རོ་ཤན་ལ་ལ་ནེ་གི་མཆོག་དང་། ས་གནས་དབུ་འཛིན་རྣམས་པ། ཧི་མ་ལ་ཡའི་དགོན་སྡེ་ཁག་ནས་ཚོགས་བཅར་བ་ཁག །ཉེ་འཁོར་དགོན་སྡེའི་དགེ་འདུན་བཙུན་མ་རྣམས་པ། བཀྲ་ཤིས་ལྗོངས་མི་དམངས་དང་རྒྱ་གར་མི་དམངས་བཅས་མི་དམངས་བཅས་དྲུག་བརྒྱ་ལྷག་ཅིག་མཉམ་འཛོམས་བྱུང་ཡོད།
