བོད་རྒྱལ་ལོ་ ༢༡༤༩ ལོའི་བོད་ཟླ་ ༦ པའི་ཚེས་༡༢ དང་། སྤྱི་ལོ་2022སྤྱི་ཟླ་ 08 སྤྱི་ཚེས་09 ཉིན་འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་ཕྱེད་ཡིག་རྒྱུགས་ལ་ཁེལ་བས། འཛིན་གྲྭ་ཁག་གི་ཟུར་སྦྱོང་ཐུན་མོང་རིག་གནས་དང་། དབྱིན་ཡིག་གི་རྒྱུགས་སྤྲོད་ཉེ་སྔོན་གྲུབ་ནས། དེ་རིང་དངོས་གཞི་གཞུང་ཆེན་སོ་སོའི་ལོ་ཕྱེད་རྒྱུགས་སྤྲོད་གནང་ཡོད།
འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རར་བོད་ཟླ་༦་པའི་ཚེས་༡༥ ལ་དབྱར་གནས་ཀྱི་སྟ་གོན་དང་། དེ་རིང་སྔ་དྲོ་ནས་ཟླ་བ་གཅིག་དང་ཕྱེད་རིང་ལ་བཤད་གྲྭའི་དགེ་སློང་ཉི་ཤུ་རྩ་གསུམ་དང་། དགེ་ཚུལ་དྲུག་ཅུ་རེ་དྲུག་ཙམ་གྱིས་དབྱར་གནས་པར་ཁས་བླངས་གནང་སོང་། དབྱར་གནས་པའི་དགོས་པ་དང་ཕན་ཡོན།འདུལ་བ་ལས། ༡༽དབྱར་གནས་མ་བྱས་པའི་ཉེས་པ་ཁེགས་པ་དང་། ༢༽དབྱར་ས་གཞི་ལ་སྲོག་ཆགས་ཕྲ་མོ་མང་དུ་རྒྱུ་བའི་དུས་སུ་འགྲོ་འདུག་མང་པོ་བྱས་ཏེ་སྲོག་ཆགས་ལ་གནོད་པས་སྲོག་ཆགས་ལ་གནོད་པ་སྤོང་བ་དང༌། ༣༽གླེང་གཞི་ལས་འབྱུང་བ་ལྟར་མུ་སྟེགས་ཅན་སོགས་གཞན་མ་དད་པ་དག་གིས་འཕྱ་བ་སྤོང་བ་དང༌། ༤༽དབྱར་ཆར་ཆུ་རྒྱས་པའི་དུས་སུ་རྒྱུ་འགྲུལ་མང་པོ་བྱས་ན་རང་གི་ལུས་སྲོག་ལ་གནོད་པ་འབྱུང་ཉེན་ཆེ་བ་ལུས་སྲོག་ལ་གནོད་པ་སྤོང་བ་དང༌། ༥༽དོན་དང་བྱ་བ་མང་པོ་སྤངས་ནས་དོན་ཉུང་ཞིང་བྱ་བ་ཉུང་ངུས་དབྱར་གནས་པར་བྱ་བ་དང༌། ༧༽དབྱར་གྱི་དུས་སུ་གནས་ཁང་དོར་ཏེ་ཐག་རིང་པོར་ཕྱིན་ན་གནས་ཁང་རལ་བ་དང་གྲུམས་པ་སོགས་ཀྱི་སྒོ་ནས་ཆུད་ཟ་བར་འགྱུར་བས། གནས་རལ་བ་དང་གྲུམས་པ་འཆོས་པར་འགྱུར་པ་དང༌། ༨༽དབྱར་གནས་ལ་བརྟེན་ནས་དགག་དབྱེ་དང་སྲ་བརྐྱང་འབྱུང་བ་སོགས་ཕན་ཡོན་ཤིན་ཏུ་མང་ངོ༌།། • དེ་ཡང་དབྱར་ཁྲིམས་སུ་བྱ་བ་ནི། • …
གདན་ས་ཁམས་པ་སྒར་འབྲུག་མཐོ་སློབ་དྷརྨ་ཀཱ་ར།
